Bazaar mein kal feri wala bola,
"moonge badhiya hain, le lo, swaad bahut aayega..."
Maine apne mann mein kaha,
honge moonge achhe, lekin
ghar par kaun banayega...
Taiji to chali gayin, ab
woh samay waapas nahi aayega.
Anek tarah ki chutney aur
bhinn prakaar ke achaar,
Taiji banati thi har
mausam har tayohaar.
Unke haath ke banaye hue
laddoo, ab koi kaise kha paayega,
Taiji to chali gayin, ab
woh samay waapas nahi aayega.
Umda kadhaai kare hue
rumaal,
Aur, time-time pe school
shirt ke toote button ke sudhaar,
Taiji to kar deti thi fata
fat, lekar sui-dhaaga,
Taiji to chali gayin, ab
woh samay waapas nahi aayega.
Mook-badhir ki bhaasha bhi
bolna jaanti thi,
Chhattisgarhi muhaavre bhi
batati thi,
Unke rehte pata tha ki
ghar sambhal jaayega,
Taiji to chali gayin, ab
woh samay waapas nahi aayega.
Meetha ki shaukeen thi
taiji,
Aur, ice-cream/ jalebi bhi
banati thi,
Ab na muree ke laddoo
milenge, na kalakand ka swaad aayega,
